O PP de Poio acusa a Luciano Sobral de manter reunións ilegais nun local comercial da Seca

POIO> O PP de Poio acusa ao alcalde de saltarse as restricións antiCovid. Segundo os populares, Luciano Sobral mantivo, ao  longo de tres semanas, diferentes encontros ilegais nun local comercial da Seca. Ángel Moldes asegura que se chegaron a reunir ata 7 persoas.

Con estas fotografías sobre a mesa, o PP de Poio asegurou hoxe que Luciano Sobral mantivo reunións ilegais nun local comercial da Seca. Segundo Ángel Moldes, estes encontros producíronse ao longo de tres semanas e neles chegaron a coincidir ata 7 persoas.

O PP de Poio asegura que o alcalde se saltou as restricións antiCovid e fíxoo xustamente cando o Concello atravesaba o peor momento da pandemia.

Tras coñecer estes feitos, Ángel Moldes non pediu directamente a dimisión do alcalde pero si esixiu responsabilidades.