A POBRA> Esta mañá tiña lugar na Pobra o acto de entrega da viaxe familiar a Eurodisney da campaña comercial ‘Raña e gaña’ levada a cabo na localidade durante este Nadal. A agraciada resultou ser María de los Ángeles Davila.
Co acto de hoxe poñíase o punto e final á campaña comercial ‘Rasca e Gaña’ levada a cabo este Nadal na localidade organizada polo Concello en colaboración coas tres asociacións de comerciantes existentes e co patrocinio, tamén, das principais empresas do municipio. O alcalde, Xosé Lois Piñeiro, valorou moi positivamente a iniciativa que axudou a que a xente comprara no comercio local.
Participaron uns 71 comercios que repartiron uns 600 agasallos directos por un importe total de preto dos 20 mil euros. O premio estrela da campaña era unha viaxe familiar a Eurodisney que finalmente recaeu en María de los Ángeles Davila.
O éxito da campaña este ano fai pensar na súa continuidade o ano que vén.
