POIO> O PP de Pontevedra mobilízase en Poio para mostrar o seu apoio aos traballadores de Ence. Dende a formación sinalan que o goberno central coa colaboración do BNG están poñendo en perigo a máis de 5 mil familias. Os populares presentarán unha moción na deputación en defensa dos postos de traballo.
O Partido Popular provincial de Pontevedra manifestouse en Poio a favor dos traballadores de Ence. Dende a formación sinalan que o traslado da pasteira suporá un prexuízo unicamente para os empregados, xa que tanto a empresa como os seus donos poderán situarse noutra localización. Os populares defenden un postos de traballo que xeran riqueza en toda a comarca.
A formación critica que o goberno central coa colaboración do BNG están poñendo e perigo o sustento de máis de 5 mil familias. Por iso, levarán unha moción ao pleno da deputación manifestando o seu apoio aos traballadores.
Os populares tamén matizaron que aínda que apoian aos traballadores de Ence non xustifican a violencia contra os concelleiros do goberno de Pontevedra. Advirten ao BNG que non aceptarán ningunha lección de democracia.
O Partido Popular pide ao BNG e ao Psoe que paralicen a tramitación da lei do cambio climático. Advirten de que en caso de que se aprobe, serán responsables de todos os postos de traballo que se perdan.
