Lousame ten a punto a súa piscina para o inicio da tempada estival

LOUSAME> Acompañamos hoxe á alcaldesa de Lousame, Teresa Villaverde, durante a visita que realizou á piscina municipal. A instalación vén de sufrir unha importante remodelación para poñela a punto de cara a época estival.

A alcaldesa, Teresa Villaverde, comprobaba esta mañá o resultado das obras levadas a cabo nos últimos meses na piscina municipal que supuxeron un investimento duns 140 mil euros, con cargo Plan Único da Deputación da Coruña. Entre outras actuacións as supuxeron a substitución do antigo pavimento e a ampliación da zona de praia

A intención do Concello pasa por abrir a piscina o vindeiro 1 de xullo, prolongándose a actividade nela ata o 15 de setembro.

O Concello xa abriu tamén o prazo para a preinscrición nos cursos de natación que se iniciarán o vindeiro 5 de xullo. As prazas son limitadas e as persoas interesadas poden tramitalas a través da concellaría de Deportes ou ben na plataforma dixital de pagos na que poden realizarse tamén  tanto os abonos diarios como os mensuais.