CAMBADOS> O concello de Cambados organiza unha nova edición do torneo de golf Semana de ouro do albariño. A competición celebrarase no campo de Meis e agárdase a participación de máis de 500 persoas. A final celebrarase o 25 de xullo con importantes premios para os gañadores.
As festas do albariño de Cambados teñen a súa celebración previa coa disputa da V semana de ouro do albariño, o torneo de golf máis prestixioso da comarca. A competición que se disputa no campo de Meis conta coa colaboración de toda a comarca.
A principal colaboración da competición son adegas. Cada xornada estará patrocinada por unha adega. Dende a Fundación Monte Castrove destacan esta unión de viño e deporte.
O éxito do torneo supón un reclamo para moitos visitantes. A participación, adaptándose á covid, agárdase que rolde os 550 xogadores e xogadoras. Para a Mancomunidade é unha oportunidade para promocionar o turismo na comarca.
Os participantes poderán inscribirse ata o día anterior ao torneo. A inscrición está aberta a todos os públicos pero só os 60 mellores pasarán á final do domingo. O sistema de competición durante a semana será coa modalidade estable.
A competición disputarase do 19 ao 25 de xullo. Os mellores clasificados recibirán agasallos como a folla de prata, lotes de albariño das adegas colaboradoras, meses gratuítos no campo de golf ou un fin de semana nunha casa rural.