PONTEVEDRA> Para os traballadores, pola súa banda, a sentenza da Audiencia Nacional foi recibida como un xerro de agua fría. Esta mañá, representantes do comité de empresa de fábrica reclamaron ás portas da subdelegación do goberno en Pontevedra unha nova reunión da mesa de negociación sobre o futuro da pasteira. Aseguran que o fallo do tribunal déixaos no peor escenario posible.
Nerviosismo e preocupación entre os traballadores da factoría de ENCE en Lourizán. Esta mañá, representantes do comité de empresa de fábrica aseguraban que a anulación da prórroga concedida á pasteira déixaos no peor escenario posible.
Ás portas da subdelegación do goberno en Pontevedra reclamaron hoxe unha nova reunión da Mesa de traballo sobre o futuro da pasteira.
En principio, mañá manterán unha xuntanza coa subdelegada do goberno en Pontevedra, Maica Larriba. Ademais, reuniranse coa dirección da empresa e convocarán unha asamblea dos traballadores para abordar a situación.
A intención é que desta asamblea saia un novo calendario de mobilizacións e a convocatoria dunha manifestación en defensa dos postos de traballo.
