PONTEVEDRA> Os traballadores de ENCE advertiron esta mañá que continuarán co calendario de mobilizacións. Aseguran que o tempo vai na súa contra, polo que serán máis contundentes ca nunca. Temen que, coa sentenza da Audiencia Nacional que anula a prórroga á pasteira, a fábrica poida pechar nos vindeiros meses.
Coa mobilización desta mañá, traballadores de ENCE e das empresas auxiliares da factoría volveron reclamar unha solución que non poña en perigo os seus postos de traballo. Aseguran que o tempo vai na súa contra e temen que a pasteira poida pechar nos vindeiros meses de executarse a sentenza da Audiencia Nacional que anula a prórroga concedida no 2018.
Reclaman solución a concello, Xunta de Galicia e ao Goberno Central. Negan que a dirección de ENCE estea detrás das súas mobilizacións e desmárcanse tamén dos partidos políticos.
Os traballadores explican que aínda non tiveron resposta á petición que hai unhas semanas fixo o comité de fábrica para reunirse coa Consellería de Industria. Ademais reclaman á Xunta que aclare a súa postura.
Segundo Bacariza, a día de hoxe a fábrica está a producir con normalidade. E é que é precisamente un parón na produción algo que queren evitar a toda costa.
Esta rapaza, Ana, te razón na súa primeira análise “Cunha ameaza de peche saímos á rúa máis contundentes ca nunca. En pouco meses poden parar a fábrica”.
Pero perden toda a razón querendo insistir en revertir unha senteza clara. Por outra banda, e non menos importante, o único responsable disto foi quen quixo favorecer a ilegalidade ampliandoa, e quen creeu que iba ser posible. Entre tanto o comité deberá esixir a Ence, dende hai anos, unha plan de viabilidade fora da ría de Pontevedra garantindo tódolos postos de traballo.