Tanxugueiras, Andrea Pousa, Coti e Budiño principais atractivos do San Bartolomeu

NOIA> Esta mañá presentábase o cartel das festas do San Bartolomeu . Como xa acontecera o pasado ano coa chegada da pandemia, a súa programación verase reducida. Destacan os actuacións da Banda do Terror, Tanxugueiras, Andrea Pousa, Coti e Budiño. Serán concertos gratuítos na praza do Tapal con reserva previa e cumpríndose tódalas medidas de prevención anticovid.

A concellería de Cultura de Noia presentou esta mañá a programación especial deseñada para esta última quincena do mes de agosto, coincidindo coa celebración das Festas do San Sartolomeu. Seguen a apostar por unha cultura segura, a través de concertos en espazos acoutados e con menor nivel de ocupación para evitar posibles contaxios.

Como xornada previa ós festexos programaranse dúas actuacións na praza do Tapal, o venres 20 A Banda Crebinsky e o sábado 21 o grupo de música tradicional Leirabuxo.

Os concertos terán continuidade xa esa semana das festas coas actuacións de A Banda do Terror, Tanxugueiras, Andrea Pousa, Coti e Budiño. Serán concertos gratuítos na praza do Tapal con reserva previa a través de programacionconcellonoia@gmail.com e cumpríndose tódalas medidas de prevención anticovid.

Dende Cultura Noia programáronse tamén para eses días vermús musicais con grupos locais por distintos emprazamentos da vila, co fin de dinamizar as mediodías.