‘Os Palleiros’ busca a dúas mulleres que abandonaron de madrugada un can ás portas do refuxio

PONTEVEDRA> A protectora de animais Os Palleiros de Pontevedra denuncia un novo episodio de abandono. As cámaras do refuxio captaron como na madrugada do 2 de xaneiro dúas persoas deixaban atado ás portas das instalacións un can. No vídeo tamén se ve como, tras marchar o coche, o animal consegue soltarse e marcha e todo apunta a que despois morreu atropelado preto da protectora. Os Palleiros xa trasladou as imaxes á Policía Local para intentar localizar ás persoas do vídeo, que serían responsables dun delito de abandono animal.

O 2022 non comezou con bo pé na protectora de animais Os Palleiros de Pontevedra. Na madrugada do 2 de xaneiro, as cámaras de seguridade do refuxio gravaron un novo caso de abandono animal ás portas das súas instalacións.

No vídeo vése como as dúas mulleres marchan e deixan o can atrás. Pero o animal tarda pouco máis de cinco minutos en soltarse e desaparecer da imaxe.

Todo apunta a que o final do can foi tráxico. Ás 6 e media da mañá, a protectora recibiu a través das redes sociais o aviso dun animal morto atropelado, localizado na beiravía da estrada de Vilagarcía, preto das instalacións do refuxio. A súa descrición encaixa co que se pode ver no vídeo.

Cubas lamenta que esta non é a primeira vez que viven un episodio deste tipo. Aínda que noutras ocasións o can non conseguiu fuxir e si puido ser rescatado pola protectora.

Tras revisar as cámaras de seguridade, Os Palleiros xa puxo o caso en coñecemento da Policía Local para tratar de identificar ás responsables deste novo caso de abandono.

Os Palleiros fai un chamamento a través das redes sociais e dos medios de comunicación para intentar localizar algún indicio que os axude a dar coas persoas que, tal e como se ve no vídeo, abandonaron ao can e se deron á fuga.

1 comentario

  1. Si se localizan merecían cárcel porque por culpa De ellas el Animal falleció son dos grabaciones maltrato animal y abandono por eso yo siempre pido y seguiré pidiendo y esto lo decía eso deberíamos de hacer viral para que llegue a oídos de los concejales de los ayuntamientos hacer en todos en todos los ayuntamientos consenso caninos y felinos porque así estaría controlado quien tiene una mascota y si aparece tirada es mucho más fácil de descubrir esto deberíamos conseguir hacerlo viral que se difunda por la redes sociales para que los ayuntamientos haga el censo de animales El que esté de acuerdo conmigo por favor que lo difunda

DEIXAR UNHA RESPOSTA

Por favor, engade un comentario!
Por favor, engade o teu nome aquí