OUTES> O concello de Outes vén de resolver dúas convocatorias de axudas con cargo ó POS Social da Deputación da Coruña. Van dirixidas á promoción da autonomía e mobilidade das persoas dependentes e a adquisición de equipos informáticos para a mocidade.
O concello de Outes destinou 30 mil euros no marco do POS Social da Deputación da Coruña a axudas á mocidade e á dependencia. A primeira delas, encamiñada a subvencionar a adquisición de material informática, beneficiou a 50 mozos do municipio.
No que respecta á dependencia, o concello financiou a adquisición de equipos de apoio á mobilidade e autonomía dentro do fogar como por exemplo camas articuladas, cadeiras xiratorias ou plataformas salvaescaleiras.
En total foron doce as solicitudes atendidas cun importe próximo ós 15 mil euros.
