LOUSAME> Os nacionalistas levarán ó Parlamento Galego e tamén ó pleno de Lousame sendas iniciativas para coñecer as razóns que levaron á Xunta a un cambio de postura sobre a reapertura de Sanfinx, e fale agora da necesidade do estudo de impacto ambiental para poder reabrir a explotación mineira cando anteriormente non o vía necesario.
O BNG tamén quere que a Xunta lle esixa á nova adxudicataria que se cumpran tódalas garantías no proceso de reapertura da explotación, incluíndo os avais necesarios que cubran calquera posible incidente que puidera producirse no futuro.
