PORTO DO SON> Os barcos de ACERGA que participaban na costeira da anchoa no Cantábrico permanecen amarrados dende este luns ante a suba do prezo do gasóleo. O encarecemento dos carburantes e a folga no transporte obrigaron a parar a máis de medio cento de embarcacións galegas.
A primeiros de mes arrancaba no golfo de Biscaia a costeira da anchoa. A campaña que se viña desenvolvendo en termos similares ó pasado ano viuse interrompida esta mesma semana co paro das embarcacións ante o encarecemento dos carburantes e a folga no transporte.
Á espera de decidir se retoman ou non a campaña o próximo luns, ante a baixada dos prezos anunciada polo goberno, son medio cento de embarcacións as que permanecen amarradas sen xerar ningún ingreso.
De igual modo, dende ACERGA reclaman a apertura da sardiña para aquelas embarcacións pequenas que non poden desprazarse ata o País Vasco.