RIANXO> Seis librarías participarán na Feira do Libro de Rianxo que se celebrará entre o 22 e o 25 de xullo na vila. Ademais de presentacións e sinaturas de libros desenvolverase un amplo programa de actividades coa cultura como eixo común.
O venres á unha arrancará a feira do libro de Rianxo co pregón a cargo do escritor Suso de Toro. Durante toda o fin de semana pasarán pola feira numerosos escritores ben rianxeiros ou ben estreitamente vinculados a Rianxo que presentarán as súas últimas publicacións.
Haberá tamén actuacións musicais e espectáculos para tódolos públicos. As seis casetas instalaranse no campo de Arriba. Todas ofertarán un dez por cento de desconto nos seus libros.