A Xunta destaca potencial da industria galega de transformación de produtos do mar

POBRA> Acompañados polo presidente e fundador de Actemsa, Severino Escurís Batalla, e diferentes membros do seu Consello de Administración, o vicepresidente da Xunta, Diego Calvo, e a conselleira do Mar, Rosa Quintana, visitaron as instalacións desta firma asentada no polígono da Tomada para coñecer polo miúdo o traballo que realizan, sendo unha das compañías de referencia en Galicia dedicada á importación e exportación a nivel mundial de pescado conxelado e ó procesado de túnidos e servizos de conxelación.

Durante a visita puxeron en valor o potencial da industria galega de transformación de produtos do mar, da que forma parte esta empresa, manifestando a súa preocupación pola exclusión por parte do Goberno Central deste sector dos Proxectos Estratéxicos para a Recuperación e Transformación Económica do ámbito agroalimentario.

Precisamente a firma, que se atopa en pleno plan de expansión e crecemento, podería verse afectada por esta falla de axudas.

Actemsa, cun crecemento en 2021 de 156 millóns de euros, conta cun cadro de persoal de máis de 300 traballadores.