RIBEIRA> A Mostra de Teatro de Ribeira incluirá este ano un total de dez representación. Todas elas a cargo de compañías profesionais que traerán á localidade as súas últimas estreas. A actividade iniciarase o vindeiro 7 de outubro, prolongándose ata 9 de decembro.
Na Mostra tomarán parte compañías de recoñecido prestixio como é o caso de Redrum Teatro, Malasombra, Talía ou Berrobambán, entre outras.
As funcións, recomendadas para maiores de 16 anos, serán tódolos venres ás nove e cuarto da noite no Auditorio Municipal. Como en anteriores edicións poderase adquirir un bono por importe de 25 euros que dará dereito a asistir a todas as funcións da mostra mentres que o prezo individual da entrada para cada espectáculo será de 4 euros.
