BOIRO> Habilitarase nunha parcela situada detrás do parque da Cachada cunha superficie útil próxima ós mil metros. Disporá de xogos para mascotas e unha fonte dobre.
O elevado número de cans censados en Boiro, preto de 2500, levou ó concello a habilitar o primeiro parque canino do municipio. Será na rúa Manuel María, nunha parcela de titularidade municipal situada ó carón do parque da Cachada.
O acondicionamento da parcela suporá un investimento próximo ós 30 mil euros. Estará demilitada por un valado perimetral e contará con xogos para mascotas, bancos, papeleiras e unha fonte.
O concello agarda que a nova instalación estea operativa de cara ó Nadal posto que o prazo de execución do proxecto é de dous meses.
