POBRA> O concello da Pobra asinou un novo convenio de patrocinio cun club deportivo local.
Neste caso o acordo establecese co Club Deportivo de Xadrez Marquiño. A aportación do Concello ascende a uns mil euros que lle permitirán ó Club poder sufragar os gastos de inscrición, desprazamento e estadía para o Campionato de España por Equipos de Xadrez Rápido que terá lugar en Toledo.
Dende o Club Xadrez Marquiño agradeceron a colaboración económica facilitada polo Concello.
Na actualidade o Club, con trinta anos de historia, ten unha importante canteira, ademais de dispor de tres equipos. Un que xoga na División de Honra, a competición máis alta a nivel nacional, outro en Segunda División Autonómica e outro en Terceira.
No seu plantel conta cun campión de España, representando a selección galega, e é tamén campión por equipos no VI Circuíto de Xadrez Deputación da Coruña.