PONTEVEDRA> Nova manifestación do BNG para denunciar a mala situación da sanidade pública. Ana Pontón xunto con máis membros da formación mobilizáronse diante do hospital de Montecelo para esixirlle ao Partido Popular: un plan de 200 millóns de euros para investir na sanidade pública, mellorar as condicións dos profesionais e contratar máis médicos.
O BNG volveu manifestarse para defender a sanidade pública. A líder da formación, Ana Pontón, xunto con membros do partido, mobilizáronse diante do hospital de Montecelo para denunciar a situación que a travesa a sanidade pública.
Os nacionalistas sinalan que a pesar de contar cuns excelentes profesionais, o sistema está saturado e os médicos traballan nunhas condicións que os levan aos límites. Culpan ao partido popular de poñer en risco a toda a poboación.
Esta situación de alarma ten o seu punto 0 na área sanitaria de Pontevedra e o Salnés, onde, segundo denuncia o BNG, normalizouse algo tan grave como que os Pacs estean baleiros.
Ante esta situación, o BNG pide ao presidente da Xunta compareza para dar explicacións.
Como solución á situación, os nacionalistas reclaman un plan de reforzo de 200 millóns para toda a sanidade pública. Co que se podería mellorar os hospitais e evitar que os centros médicos e pacs queden baleiros.
Tamén piden o reforzo dos profesionais sanitarios e o aumento de especialidades no sistema público.
Dende o BNG non entenden que o goberno autonómico rexeite en todo momento as súas propostas. Advirten que a única solución para a sanidade pública é aumentando os seus investimentos e poñendo fin aos recortes.
