O GROVE> O pintor sanxenxino Luís Garrido expón no Grove a súa última obra tralo seu regreso á pintura. O artistas presenta no bar Aldara unha mostra composta por 10 cadros. As súas pezas son representacións de imaxes da costa da nosa contorna.
Cadros sobre imaxes reais que a xente recoñeza cando os vexa. Esa é o punto de partida do pintor Luís Garrido na súa obra. O artista expón no bar Aldara do Grove, 10 dos cadros da súa nova colección.
Nos cadros represéntanse imaxes da nosa costa, como os portos de Sanxenxo, o Grove, a Illa ou doutros puntos de Galicia como Cariñas e Lourido.
Garrido retomou a pintura tras 30 anos afastado, ao non poder dedicarlle o tempo necesario. Unha vez xubilado, o artista recuperou os pinceis para pintar nos últimos anos ao redor de 20 cadros. Expoñer no bar Aldara é unha gran oportunidade para mostrar as súas obras.
A exposición estará presente no bar Aldara ata mediados de mes. O artistas xa busca outros espazos para mostrar as súas obras, pendente de pechar, Garrido agarda poder expoñer en Pontevedra nos vindeiros meses.
