MADRID> Por terceiro ano consecutivo, Sanxenxo forma parte do stand de Galicia. O concello volve contar cun mostrador propio no que promocionar toda a oferta turística do municipio. A gran novidade deste ano, é que Sanxenxo contará con dous mozos que percorrerán os diferentes pavillóns de Fitur para promocionar a vila por todo o mundo.
A vila turística por execelencia de Galicia non podía faltar á súa cita con fitur. O concello de Sanxenxo volve contar cun mostrador propio dentro do stand de Galicia. O espazo está representado por unha imaxe aérea da praia de Silgar e a vila de Sanxenxo. No posto, o concello presenta toda a súa oferta turística.
A novidade deste ano, é que o concello conta con dous mozos que percorrerán os diferentes pavillóns de Fitur para promocionar Sanxenxo por todo o mundo.
Dende Sanxenxo destacan a oportunidade de estar en Fitur como un escaparate único e unha gran oportunidade para que os touroperadores da vila desenvolvan novos proxectos.
A vila contará tamén con diferentes tótems nas zonas comúns de Fitur que mostran diferentes paisaxes de Sanxenxo. O concello estará presente durante os vindeiros días en numerosos actos e presentacións, entre as que recibirá o premio Q de calidade turística.
