RIANXO> Un cento de persoas asistíu o pasado sábado no auditorio municipal á presentación oficial de Julián Bustelo coma cabeza de lista de Rianxo en Común ás vindeiras eleccións municipais de maio.
Bustelo repetirá por terceira vez consecutiva coma candidato á alcaldía rianxeira, co convencemento da necesidade, máis que nunca, dun cambio á fronte do goberno local. Un cambio que segundo el debera estar liderado pola súa formación, ó ser esta a mellor alternativa, a que Rianxo precisa.
Na súa intervención aludiu tamén ó compromiso que mantén co municipio, como veu demostrando estes ano cun intenso traballo de oposición.
Bustelo traballa xa na configuración da que será a lista definitiva de persoas que o acompañarán na candidatura. Unha lista que agarda ter xa definida nas vindeiras semanas.