PONTEVEDRA> ‘O Mellor da Terra’ está dende hoxe e ata o domingo reunido na praza do concello de Pontevedra. Produtores de toda Galicia e incluso doutros puntos do Estado participan na nova edición desta feira, dedicada ás elaboracións artesás e ecolóxicas.
Non están todos os que son… pero si son todos os que están. A feira ‘O Mellor da Terra’ reúne na praza do concello de Pontevedra produtos naturais, ecolóxicos e de proximidade.
Máis de 40 expositores participan coas súas propostas. Proxectos que, como Auténtica Ourensá ou CienPorCel, e apostan por mesturar tradición e innovación.
Noutras ocasións o que se mestura son as raíces. É o caso de Galmara, unha queixería que bebe das orixes venezolana e galega.
Ademais da sustentabilidade, da proximidade e do seu carácter artesán, a maioría destes produtos comparten outro trazo. O seren froito de proxectos familiares, como Restrebas ou Aialma.
A feira estará aberta ata a tarde do domingo na Praza do Concello. Unha fin de semana que agardan que sexa todo un éxito, ao igual que as edicións anteriores.
