VILANOVA> Vilanova concede a licencia de obra para a construción dun Burguer King. O novo establecemento estará situado na rúa Cardalda, enfronte ao Eroski e preto da estación de Cepsa. Contará cun espazo para a recollida de comida cos vehículos e dará a traballo a dez persoas.
O concello de Vilanova contará dentro duns meses cunha franquía dunha gran cadea de alimentación. Concretamente será Burguer King a que instalará un novo restaurante no municipio. O concello aprobou este venres a licencia de obra.
Para a vila son numerosas as vantaxes de poder contar cunha gran multinacional como Burguer King.
A localización escollida pola empresa tamén é do agrado de Vilanova. Dende o concello consideran que a chegada de Burguer King é unha mostra da consolidación da contorna da rúa Cardalda.
Segundo explicou o concello, o éxito desa zona verase reflexado nos vindeiros meses coa chegada doutra empresa. Dende o goberno local non quixeron adiantar nada pero aseguraron, que se as negociacións frutifican, trataríase dunha compañía que xeraría arredor de 30 postos de emprego.
