PONTEVEDRA> Mañá é o Día Mundial Contra o Cancro. Unha data que dende a Asociación Española Contra esta enfermidade aproveitan para lanzar a iniciativa ‘Todos contra o cancro’. O obxectivo é crear un movemento social e que 7 de cada 10 persoas sobrevivan a esta enfermidade no ano 2013. Para dar visibilidade a esta loita, hoxe preto de 500 persoas formaron un gran lazo humano de cor verde na praza da Ferrería, en Pontevedra.
Francisco Rodríguez é paciente do Servizo de Logopedia da Asociación Española Contra o Cancro.
El foi o encargado de poñer voz ao chamamento da asociación para conmemorar o Día mundial Contra o Cancro que se celebra mañá.
O obxectivo e crear un movemento social e conseguir que no 2023 7 de cada 10 persoas sobrevivan a esta enfermidade.
Unhas cifras que nos sitúan de fronte á dureza desta enfermidade. De aí que a asociación coa súa nova iniciativa ‘Todos contra o cancro’ busque concienciar das ferramentas que temos para traballar na prevención.
O acto completouse coa formación dun gran lazo humano de cor verde na Praza da Ferrería, formado por medio milleiro de persoas.