PONTEVEDRA> Esta mesma semana comezan as visitas guiadas á exposición A cidade é a pegada, no concello de Pontevedra. A mostra chegou ao seu ecuador. Un mes e medio no que xa se converteu na exposición máis exitosa da historia do Pazo da Cultura con ao redor de 2500 visitas. A partires de agora, organizaranse visitas guiadas para escolares, colectivos e público en xeral. Tamén se preparan catro obradoiros baseados nas catro temáticas que estruturan a mostra.
Un mes e medio e 2.500 visitas despois da súa inauguración, os pases guiados comezan na mostra A cidade é a pegada.
Estas visitas guiadas comezarán esta mesma semana. Haberá actividades para todos os públicos. No caso dos escolares de entre 4 e 11 anos correrán a cargo dunha das comisarias da exposición, Milagros Bará.
Tamén organizaranse pases para asociacións e entidades sociais e para o publico xeral.
Vacío Cero organizará tamén catro obradoiros. Xirarán en torno ás catro liñas temáticas que estruturan a exposición. Serán os días 24 de febreiro e 3, 10 e 17 de marzo.
Os interesados xa poden inscribirse na web apuntate.pontevedra.gal.
