A POBRA> O concello da Pobra porá en marcha un programa de lecer para persoas adultas con problemas de saúde mental. Está organizado pola concellería de Servizos Sociais e a asociación Pro-Saúde Mental A Creba.
A partir do mes de marzo, comezará a funcionar o ‘Espazo Activa o teu Lecer’. Trátase dun programa impulsado pola concellería de Servizos Socias da Pobra en colaboración coa asociación A Creba para ofrecer unha alternativa de ocio a persoas adultas con problemas de saúde mental.
Desenvolverase os martes e os venres en horario de mañá e unha vez ó mes terá lugar unha saída cultural.
Ofertaranse inicialmente dez prazas. As inscricións xa se poden realizar nas dependencias de Servizos Sociais.
