CAMBADOS> A fábrica de xeo de Cambados aumenta a súa produción nun 30% trala última reforma. A factoría pode elaborar agora ata 65 toneladas diarias. Esta produción é necesaria para cubrir toda a demanda do sector na vila, especialmente nos meses de verán.
Despois de preto de dous anos sen poder utilizala, Cambados xa dispón da súa fábrica de xeo totalmente reformada. A factoría mellora a súa capacidade de produción chegando ata as 65 toneladas diarias. A reforma correu a cargo da consellería do mar cun investimento de 600 mil euros.
Este aumento permitirá satisfacer a demanda de todo o sector en Cambados. Especialmente no verán, onde a necesidade de xeo é máis alta.
A mellora era unha reclamación da confraría cambadesa ante o mal estado no que se atopaba a fábrica.
A confraría puido levar a cabo esta mellora grazas a liña de axudas da consellería do mar para a renovación de equipos portuarios e pesqueiros. O pósito cambadés foi o maior beneficiado de Galicia pero na comarca tamén recibiron axudas as confrarías do Grove, Portonovo e Carril. Precisamente esta liña de axudas volve estar aberta para aqueles pósitos que queiran solicitala.
