RIBEIRA> Balance máis que positivo da campaña Amaribeira, desenvolvida entre o 10 de decembro e o 28 de febreiro. Os bonos desconto subvencionados polo concello de Ribeira mobilizaron case un millón de euros en vendas.
980.212 euros. Esta contía, próxima ó millón de euros, é o volume de vendas propiciado pola campaña Amaribeira impulsada polo concello de Ribeira entre o 10 de decembro e o 28 de febreiro. Puxéronse en circulación 3500 bonos desconto de 30 euros.
Na campaña participaron 141 establecementos comerciais, concentrando o sector téxtil e de calzado e as xogueterías máis do 70 por cento das vendas por coincidir coa campaña de Nadal.
