O ‘Mes dos Libros’ achega ata Ribeira numerosas propostas para o fomento da lectura

RIBEIRA> O mes de abril chega a Ribeira cheo de cultura. O programa ‘Abril, mes dos Libros’ ofrece unha serie de propostas encamiñadas principalmente ó fomento da lectura en lingua galega.

A maior parte das actividades enmarcadas no Mes dos libros están dirixidas a escolares e público familiar co fin de fomentar os hábitos de lectura dende ben cedo, Así, os contacontos infantís e os espectáculos teatrais compoñen boa parte da programación deste abril en Ribeira.

Tamén en abril terán lugar os intercambios escolares do Eixo Atlántico cun visita de estudantes portugueses. A música virá complementar a oferta cultural de abril co musical ‘Unha noite na eira do Trigo’ en homenaxe a Los Tamara que terá lugar o día 22.

Terá lugar tamén un obradoiro sobre balneoterapia en colaboración coa Universidade de Santiago así como os talleres escolares ‘Cóntoche un Traxe’ que impartirá Montse Rivera no museo municipal.

 

 

 

 

 

 

 

DEIXAR UNHA RESPOSTA

Por favor, engade un comentario!
Por favor, engade o teu nome aquí