A POBRA> Os centros escolares da Pobra contarán con camiños seguros. Esta iniciativa comezarase a aplicar tralas vacacións de Semana Santa entre os estudantes do Salustiano Rey Eiras e do IES da Pobra coa intención de estendela a outros centros de cara ó vindeiro curso.
Fomentar a mobilidade a pé e recuperar a tradición de camiñar xuntos cara a escola. Este é o obxectivo que persegue o programa Camiños Escolares Seguros que porá en marcha o concello da Pobra en colaboración con dous centros educativos do municipio.
Ademais dos voluntarios que acompañarán ós estudantes, a iniciativa conta coa colaboración do tecido comercial da zona que ofrecerán apoio en caso de que algún dos alumnos se atope indisposto.
O programa botará a andar tralas vacacións da Semana Santa. Ademais das charlas informativas que se impartirán nos centros, repartiranse chuvasqueiros entre os alumnos como sinal distintivo.
