PONTEVEDRA> Menos cambios hai no Partido Popular de Pontevedra. Hoxe presentou os nomes que acompañarán a Rafa Domínguez na súa candidatura para as eleccións do 28 de maio. A formación ten actualmente nove concelleiros na corporación e repiten case todos nestes postos de saída. Tan só deixa a candidatura Ana Isabel Vázquez, anterior número catro en 2019. A novidade atopámola no oitavo posto: Beatriz Rey, que fora presidenta da asociación de veciños da Parda.
O Partido Popular de Pontevedra aposta pola continuidade na súa candidatura de cara ás municipais do 28 de maio.
Domínguez volve rodearse de dúas das súas persoas de confianza: Pepa Pardo é a número dous e Pablo Fernández repite como número tres. A novidade atopámola no cuarto posto: Ana Isabel Vázquez cae da lista e substitúea Guille Juncal.
Silvia Junco será o número 5 en lugar de Gerardo Pérez Puga, que baixa ata o nove. Martín Martínez continúa como número seis e Juan Manuel Muñoz sobe ata o sétimo posto. A primeira cara nova atopámola no 8: Beatriz Rey, que fora presidenta da asociación de veciños da Parda. Os populares teñen actualmente nove concelleiros na corporación pontevedresa.
A empresaria Silvia Crespo, o secretario xeral de Novas Xeracións en Galicia Iago Acuña, a docente da Universidade de Vigo Aroa Otero e o médico Jorge García, completan os 13 postos da lista coa que o Partido Popular de Rafa Domínguez aspira a gobernar Pontevedra.
