POBRA> Despois de varios anos sen disputarse a consecuencia da pandemia, a última edición celebrous en 2019, o Club Artrogal recupera o Gran Premio Triatlón Concello da Pobra do Caramiñal.
A proba terá lugar este domingo 14 de maio a partir das 10:30 da mañá.
Coas inscricións xa pechadas, agárdase unha participación duns 261 atletas chegados dende diferentes clubs de toda Galicia.
Será na modalidade ‘sprint’ e o percorrido previsto terá lugar na súa ampla maioría polo centro da vila, tendo como centro neurálxico a praia do Areal e a explanada portuaria, onde estará instalada a zona de transición.
A cita será ademais clasificatoria para o Campionato Galego
Dende o Concello tamén destacaron a importancia desta proba deportiva, que serve ademais de escaparate turístico como elemento dinamizador para o comercio e a hostalería local.
Para garantir o bo desenvolvemento da proba, haberá o un amplo dispositivo de seguridade no que colaboran máis dun cento de voluntarios.
Dende a organización quixo pedir desculpas á veciñanza polas molestias que poidan causar os diferentes cortes de tráfico previstos, que comezarán a partir das 9 da mañá e se prolongarán ata as doce aproximadamente.
