A POBRA> Esta mañá entraban en funcionamento, de maneira provisional, os cambios de circulación nun tramo do Camiño Real, na zona da Ribeiriña. O executivo decidiu poñer sentido único nun tramo deste vial co fin de mellorar a circulación pola zona.
De xeito provisional, atendendo a un informe elaborado pola Policía Local, a circulación no Camiño Real será de sentido único, dirección A Pobra-Boiro, establecendo ademais a entrada polas inmediacións da Mercé. É un cambio temporal que o executivo local xa lle notificou previamente á veciñanza do lugar.
Segundo explicou o propio alcalde, Xosé Lois Piñeiro, o cambio busca mellorar ós problemas de fluidez de tráfico na zona, debido á estreiteza da rúa que impide o paso simultáneo de dous vehículos.
Está previsto que no prazo dunhas semanas se realice unha consulta ós veciños da zona para analizar o seu nivel de conformidade con respecto ós resultados desta medida. Tamén se recollerán as propostas que teñan en materia de seguridade viaria na zona.
