RIBEIRA> O concello de Ribeira contará cunha segunda escola infantil. Estará situada en Aguiño e inicialmente contará con 41 prazas. O obxectivo é dar cobertura á alta demanda de solicitudes que quedaron en lista de agarda.
A Consellería de Política Social financiará a posta en marcha dunha segunda escola infantil pública en Ribeira. Á espera de concretar onde se emprazarán as futuras instalacións, o novo centro estará situado en Aguiño e contará con 41 prazas para nenos de 0 a 3 anos.
Este novo servizo virá complementar a actual escola infantil municipal con 170 prazas e que actualmente ten lista de agarda ante o incremento das solicitudes dende que a Xunta estableceu a gratuidade da educación infantil. Política Social destinará 240 mil euros para acondicionar as instalacións.
