POBRA> O director xeral de Emerxencias e Interior, Santiago Villanueva, xunto co alcalde, Xosé Lois Piñeiro, foi o encargado de inaugurar esta mañá as primeiras Xornadas de Confraternidade da Seguridade e Emerxencias da comarca do Barbanza.
A iniciativa, que parte da concellaría da Seguridade, en colaboración coa Mancomunidade Barbanza Arousa, ten coma principal obxectivo dar o coñecer o labor que desenvolven os diferentes equipos de emerxencias.
Tanto o alcalde coma o director xeral de Emerxencias viron con bos ollos esta iniciativa que ten un afán de continuidade.
A xornada de hoxe tivo nos nenos ós seus principais destinatarios. Así foron varios colexios da localidade os que se achegaron ata a praza para asistir a distintas exhicións e demostracións por parte dos equipos de emerxencia entre os que se atopaba a unidade canina da Policía Nacional, a Axega, A Garda Civil de Tráfico ou os propios bombeiros.
Pola tarde estaban previstas tamén varias charlas dirixidas ós propios profesionais.
As xornadas chegarán mañá ó seu remate cun simulacro de incendio forestal, evacuación e rescate no entorno das piscinas naturais do río Pedras.
