RIBEIRA> A formación do que será o novo goberno municipal en Ribeira vaise clarexando. Ou iso parece, tras a reunión da asemblea local do BNG.
A formación nacionalista, actualmente segunda forza na corporación con 5 edís, decidiu iniciar a vindeira semana unha rolda de contactos co resto de formacións, incluído o PP, para explorar as distintas posibilidades para un acordo de gobernabilidade.
Aínda así desa reunión sacouse algo claro. Van a propiciar un cambio de goberno, tal e como afirman, evidenciaron os resultados deste pasado domingo.
Unha circunstancia que apartaría definitivamente ós populares da alcaldía onde levan gobernando dende hai preto de 40 anos.
Para apartar ó Partido Popular do Concello sería necesario un pacto a tres. Con BNG e PBBI como forzas maioritarias, as dúas con cinco edís cada unha, e por outra parte, o PSOE, que suma unha acta de concelleiro.
