PONTEVEDRA> Captar o voto da mocidade é un dos obxectivos do Partido Socialista de cara as eleccións do 23 de xullo. Hoxe a candidata ao Congreso pola provincia de Pontevedra e o voceiro municipal, Marica Adrio e Iván Puentes, celebraron un acto da man das Xuventudes Socialistas de Galicia. O obxectivo: comparar o paquete de medidas impulsadas por Sánchez a prol da mocidade coas propostas do candidato do PP Alberto Núñez Feijóo.
A mocidade foi a protagonista do acto de campaña de hoxe do Partido Socialista en Pontevedra. A candidata ao Congreso pola provincia pontevedresa e o voceiro municipal da formación queren mobilizar a este sector da poboación de cara as eleccións do 23 de xullo.
Adrio e Puentes contaron co apoio das Xuventudes Socialistas de Galicia. Xuntos compararon o paquete de medidas impulsadas por Sánchez a prol da mocidade e as propostas de Alberto Núñez Feijóo.
A reforma laboral, a gratuídade das viaxes en tren na provincia, o Bono Cultural ou o compromiso da gratuidade do transporte urbano para nenos e menores de 25 anos son algunhas das medidas destacadas.
O secretario xeral das Xuventudes Socialistas de Galicia animou á mocidade a achegarase ata o stand instalado nesta campaña para coñecer o programa da formación.
