O estudo xeotécnico dá luz verde ao destape e renaturalización do río Gafos

PONTEVEDRA> O concello de Pontevedra abordará a renaturalización do río Gafos ao seu paso por Campolongo. O goberno local xa ten nas súas mans os resultados do estudo xeolóxico realizado no seu tramo soterrado. Segundo César Mosquera, as conclusións abren a posibilidade de facer unha intervención na zona ambiciosa, que irá máis aló do destape da cuberta existente.

O concello de Pontevedra abordará o destape do río Gafos ao seu paso por Campolongo. Os estudos xeolóxicos realizados no treito soterrado conclúen que a actuación é posible. A intervención que plantexa o goberno local é máis ambiciosa que só a retirada da cuberta.

Os planos contemplan a división dos 500 metros de treito en tres, en función do espazo existente para poder actuar sobre o río. En dous deles, recoméndase tratar unha ribeira con pouca pendente ou aterrazada, pensada para non crear problemas de desprazamento. No último, a zona dos colexios, por mor do espazo, crearíase unha escolleira revexetada. En todos os casos levantarse a soleira,a cuberta e parte do muro de contención. Calcúlase que poderían ser retiradas máis de 7.000 toneladas de recheo e cascallos.

O concello xa traballa na redacción das bases do proxecto para sacalo a licitación.

Segundo os cálculos de Mosquera, de cumprirse os tempos dos procesos de licitación e adxudicación as obras poderían estar en marcha en outubro deste mesmo ano. Recordemos que a actuación conta cunha subvención europea de 2,3 millóns de euros. Para non perdela, os traballos deben estar rematados antes do 31 de decembro de 2025.

DEIXAR UNHA RESPOSTA

Por favor, engade un comentario!
Por favor, engade o teu nome aquí