NOIA> A música cobra especial protagonismo na programación cultural de Noia para este verán. Ademais do concerto de Carlos Núñez e dos festivais de arpa e de jazz, destaca a aposta polos grupos local a través do San Bolo Fest.
A Feira Medieval de Noia que arranca mañá dará o pistoletazo de saída a un verán cheo de cultura na vila. Unha das citas máis destacadas será o Festival San Bolo Fest que promove os grupos e artistas locais ó tempo que pon en valor unha área recreativa moi próxima ó casco urbano e do máis acaída para a celebración dun festival de música.
Será o sábado 29 de xullo dende as cinco da tarde. Contará cun amplo cartel de músicos noieses entre os que destaca Chiña, os Biónicos, Brais Sánchez ou Cheroke´s.
Trátase da segunda edición desta cita musical que o ano pasado colleitou grande éxito de público.
As entradas anticipadas pódense adquirir por tan só un euro no Fina Estampa, Jaratuxa e Manduka. En taquilla terán un prezo de dous euros e todo o recadado irá destinado á asemblea local da Cruz Vermella.
