OUTES> O concello de Outes acolleu a presentación do campamento de verán que a a Asociación de nenas, nenos e xente nova con diabete, Anedia, vai desenvolver na localidade do 7 ó 11 deste mes de agosto.
A proposta, dirixida a nenos de entre os 12 e os 17 anos que padezan esta enfermidade, incluirá un amplo e variado programa de actividades que inclúen actividades náuticas, xogos na praia, scape room ou rutas de sendeirismo nocturnas, entre outras.
Dende o Concello mostráronse encantados de poder colaborar con Anedia no desenvolvemento deste campamento, que terá acubillo nas instalacións deportivas de Roo.