NOIA> Dende hai tempo o Concello era consciente da necesidade de acometer unha actuación de envergadura na estación de augas residuais de Abruñeiras que solucionara dunha vez as deficiencias nos distintos equipos de funcionamento e ne capacidade da instalacións, problemas todos eles que están a provocar vertidos contaminantes á Ría.
Con esta actuación, a Xunta pretende modernizar a planta de tratamento destinando a este fin un investimento de 2´3 millóns de euros. A mellora aparece xa incluída no Plan de Saneamento Local.
O seguinte paso será a construción da nova depuradora. Unha actuación necesaria que tamén aparece incluída no Plan de Saneamento Local.
Nos últimos anos a Xunta leva investido en Noia preto dos cinco millóns de euros en actuacións en materia de infraestruturas hidráulicas, destacando a execución da rede de colectores xerais.
