NOIA> O rescate dunha anciá no incendio da súa vivenda a pasada fin de semana desatou a polémica sobre a intervención do Grupo de Emerxencias Supramunicipal de Noia.
A mala coordinación e a insuficiente resposta por parte dos operativos de emerxencias suscitaron numerosas críticas entre a veciñanza das que tamén se fixo eco o grupo municipal da Marea Cidadá.
Solicitan que se establezan protocolos de traballo co parque de bombeiros de Boiro e que se analice a formación do persoal e a capacidade de intervir en determinadas emerxencias.
Así mesmo, piden ós veciños que non personalicen a actuación do GES nos traballadores xa que, din, a situación deriva dunha mala xestión política na que se venden estes corpos como se fosen parques de bombeiros cando se trata de grupos de reforzo.
