BOIRO> Esta fin de semana Boiro converteuse nun poboado castrexo, onde non faltou o seu tradicional mercado.
Na rúa peonil instaláronse infinidade de postos de artesanía, alimentación e todo tipo de produtos, congregando a un gran número de persoas.
Tampouco faltaron os obradoiros e as exhibicións de oficios artesáns, como tampouco os espectáculos, que axudaron a animar o bo ambiente existente durante toda a fin de semana.
O bo resultado desta edición, principalmente de público, segue a consolidar este mercado castrexo, que se suma á ampla oferta de actividades e iniciativas culturais que ofrece Boiro durante todo o verán.
