Gastromar abre as súas portas con moi bo sabor de boca

RIBEIRA> A Feira Gastromar de Ribeira abriu as súas portas a mediodía. O acto de inauguración desta cita gastronómica estivo presidido polo Conselleiro do Mar quen destacou a importancia de poñer en valor certas especies de peixe que non conta aínda con gran presenza nestas degustacións como son o lirio e a sardiña.

A praza de España de Ribeira converterase esta fin de semana no espazo perfecto para degustar diversas especialidades de peixe e marisco. A Feira Gastromar abriu as súas portas este mediodía coa inauguración a cargo de diversas autoridades, entre elas, o Conselleiro do Mar.

Precisamente a posta en valor dos produtos do mar é o que busca esta iniciativa. especialmente daqueles peixes como o lirio ou a sardiña con gran presenza na lonxa de Ribeira pero que apenas se teñen en conta na alta cociña.

Ata o domingo, os visitantes poderán degustar sardiña e lirio en innovadoras preparacións así como mexillón á vinagreta e en empanada, navallas, ameixas e nécoras.