NOIA> A Mostra de Curtas Vila de Noia achégase á súa fin coa entrega de premios que terá lugar mañá sábado no Coliseo Noela. Na gala desvelarase o nome dos 10 premiados nas distintas categorías.
Noia converteuse ó longo dos últimos dez días en referente do cine a nivel internacional coa Mostra de Curtas Vila de Noia que mañá chega á súa fin. As proxeccións dos máis de 50 traballos seleccionados mesturáronse con estreas de filmes, obradoiros e a entrega do premio honorífico a Javier Gutiérrez que tiña lugar a pasada noite.
A clausura do festival terá lugar mañá coa gran gala na que se entregarán os galardóns ós premiados nas dez categorías a concurso.
A gran cita do cine en Noia terá lugar mañá a partir das oito e media no Coliseo Noela.
