NOIA> A Mostra de Curtas Vila de Noia pechou a súa vixésimo cuarta edición consolidándose como un dos certames con maior prestixio a nivel nacional. ‘The Steak`’, do iraniano Kiaras Dadgar fíxose co premio á mellor curta mentres que ‘Aunque es de noche’ de Guillermo García López alzouse como mellor curta española.
A Gala de Clausura de Mostra de Curtas Vila de Noia volveu estar á altura da calidade do certame que tras once días de actividades pechou a súa vixésimo cuarta edición coa entrega de premios.
Os principais galardóns foron para a cinta iraniana ‘The Steak’ como mellor curta do certame e ‘Aunque es de Noche’, elixido como mellor título a nivel nacional.
Na categoría de actores o galardón foi ex equo para Pablo Generoso e David Perdomo mentres que Mabel Rivera foi recoñecida como mellor actriz. ‘Puntos Suspensivos’ de Mara Mariña Marzoa recibiu o premio ‘Pedro Brandariz’ a mellor curta amateur, mentrers que na categoría de animación o xurado elixiu a curta de Albert García Boté ‘Sweet Side’.
Javier Celay fíxose co premio a mellor guiónb por ‘Yegua’, e Raul Monge alzouse como mellor director por ‘La Ley del más fuerte’. O premio do público foi parar a ‘Actos por partes’ de Sergio Milán mentres que ‘Nena’ de José Antonio Touriñán e Jairo Iglesias foi distinguida por Blog Español á mellor curta.
