Esta fin de semana arranca a segunda edición do ‘Outes de Tapas’

OUTES> Os bos resultados acadados na primeira edición foi unha das razóns que levou ó Concello a deseñar unha nova convocatoria deste concurso de tapas.

A cita desenvolverase en dúas fins de semana consecutivas.  A primeira xa esta, os días 17, 18, 19.

Unha época do ano ademais na que se axuda a desestacionalizar as visitas á localidade ó tempo que se promociona o produto local de tempada.

Na proposta participan dez locais hostaleiros, dous máis que na edición anterior, non só da Serra, senón tamén do resto das parroquias.

No Freixo: O Taboleiro, Pepe do Coxo, Asador Albatros e A de Vila. No Cruceiro de Roo: Hostal Viña. Na Serra de Outes: Casa Amanda e John Turkey. En Santo Ourente: A Nosa Taberna. En Cando: Restaurante Fera e en Valadares: O Chouto.

Para elixir a mellor tapa do concurso, o local gañador terá que, ademais do veredicto do público, convencer a un xurado profesional que fará a sua valoración en base a creatividade, innovación, sabor e uso de produto local. 

O custe da tapa será de dous euros. Ademais celebrarase un sorteo entre tódolos participantes no concurso para unha cea para dúas persoas valorada en 150 euros.

DEIXAR UNHA RESPOSTA

Por favor, engade un comentario!
Por favor, engade o teu nome aquí