RIBEIRA> A concellería de Servizos Sociais presentou hoxe o Encontro das Persoas Maiores.
A cita terá lugar o vindeiro domingo 25 deste mes de febreiro, no pavillón da Fieiteira.
Ofertaranse 870 prazas.
O custe das invitacións será de 16€ e poderán adquirirse nas oficinas provisionais do Concello, no auditorio, a partir do vindeiro mércores 14 de febreiro.
Unha das principais novidades este ano será o cambio de menú. Así un dos pratos principais será unha laconada, aínda que non faltaran tampouco os mariscos.
O alcalde, Luís Pérez Barral, destacou a importancia dese tipo de eventos, que se vive coma unha xornada de convivencia, ademais de servir de homenaxe a un colectivo, como é o caso da terceira idade, que tanto contribuíu a conformar a Ribeira que é hoxe.
Na presentación do Encontro de Maiores tomaron parte os presidentes do tódolos clubs de xubilados do Concello: Corrubedo, Palmeira, Aguiño e Ribeira.
