BOIRO> Desartellado un grupo criminal ó que se lle imputan un total de 26 roubos con forza en lavandarías de autoservizo de toda Galicia, algún deles en Boiro e Sanxenxo.
A operación levada a cabo pola Garda Civil, denominada ‘Lavamoney’ , permitiu a detención de seis persoas. Todas elas naturais de León, A Coruña e Barcelona.
Os delitos tiveron lugar de decembro pasado a este mes de marzo.
O ‘modus operandi’, sempre o mesmo. Varios membros da banda accedían ó interior dos locais e forzaban as máquinas de cambio, mentres o resto vixiaba no exterior do negocio, para iniciar posteriormente a fuxida nun vehículo.
Nos rexistros practicados nos seus domicilios os axentes do Instituto Armado atoparon as vestimentas e as ferramentas empregadas nos roubos.
Segundo os datos facilitados pola Garda Civil o total do subtraído ascende a uns 20 mil euros.
