PONTEVEDRA> Pontevedra inicia os traballos de mantemento das palmeiras de toda a cidade. Son máis de 70 exemplares repartidos en tres puntos da vila. A actuación consiste na retirada de follas secas e na limpeza das vainas dos troncos, e conta cun orzamento de máis de 17.000 euros. Os traballos comezaron hoxe na rúa Gutiérrez Mellado.
A tesoira pasará por todas as palmeiras da cidade de Pontevedra.
Actuarase en máis de 70 exemplares repartidos en tres puntos da vila. Hoxe a intervención comezou coas palmeiras da rúa Gutiérrez Mellado.
Dende o concello recoñecen que había xa tempo que non se actuaba sobre as palmeiras da cidade. A intervención ten un orzamento de máis de 17.000 euros.
De xeito paralelo, o goberno local está tamén a intervir nas árbores da Alameda. Aquí os técnicos están a estudar o estado de varios exemplares enfermos, que poderían ser tallados finalmente.
